பசி

1


இலட்சிய வேட்கையையும்
சாதிக்கும் தாகத்தையும்
பல அவயங்களில்
விஞ்சி நிற்கிறது
பாழாய் போன
பசி !




2


இந்த ஏழையின் மீது இரங்கி
இறை கேட்டான்,
’என்ன வேண்டுமானலும்
கேள் தருகிறேன்’, என்று.
ஒன்றே கேட்டேன்
‘பசி வேண்டா‘.
சிலகண மௌனத்துக்குப் பின்
மன்னித்துவிடு என்பது போல்
பார்த்து
ஈரத்துணி தந்தான் இறைவன்.

3


நான் இயங்க வேண்டிய
தளங்கள் வேறு
பயணிக்க வேண்டிய திசைகள் வேறு

இதயெல்லாம் விடுத்து
தெரிந்தே செல்கிறேன்
எனக்கு ஒவ்வாதவொரு திசையில்

இயங்கிக் கொண்டிருக்கிறேன்
முற்றிலும் மாறுபட்டதொரு தளத்தில்
ஒன்றே ஒன்றிற்காய்...

வயிறு .